ILOILO CITY- Ginkalipay ni Iloilo City Mayor Jerry Treñas ang desisyon sang Private Hospital Association of the Philippines Western Visayas Chapter nga mag-renew sang accreditation sa Philippine Health Insurance Corporation (PHILHEALTH).
Sa interview sang Bombo Radyo kay Mayor Treñas, iya ginpahayag nga mas makabentaha gid ang mga pasyente sa amo nga desisyon sang asosasyon bangud nagahatag ini sang seguridad sa mga pumuluyo sa tion nga sila ang nagapabulong sa ospital.
Suno sa alkalde, dako ini nga bulig bangud sa baylo nga magpagwa sang dako nga kwarta, ang state insurer na mismo ang magabayad sang porsyento sang hospital fee.
Matandaan nga ginpahayag ni Dr. Elmer Pedregosa, presidente sang asosasyon nga nabayaran na sang ahensya ang 83% sa unpaid claims sa pito ka mga ospital.
Nahibaluan nga naglab-ot na sa P895 million ang utang sang nasambit nga state insurer sa pito ka mga ospital sa rehiyon.
