ILOILO CITY- Nagpangabay si Iloilo City Mayor Jerry Treñas kay Bacolod City Vice Mayor El Cid Familiaran nga indi na pagliwaton ang ginhimo nga sala.
Ini ang may kaangtanan sa ginapahayag pagpatapok sang Bacolod City sa mga Badjao pakadto diri sa Iloilo.
Sa interview sang Bombo Radyo kay Mayor Jerry Treñas, iya ginpahayag nga handa siya magbaton kun mangayo sang pasaylo si Familiaran sa iya.
Naghingyo man si Treñas kay Familiaran nga tandaan gid ang ginatawag nga golden rule natuhoy sa karma.
Nanindugan man ang alkalde nga wala siya sang plano nga pasugtan ang pagtinir sang mga Badjao nga nagalihu-liho bangud nagapanakit ang iban sa ila kun indi paghatagan.
