Nagpahanumdom ang mga medical experts nga sarang gid nga tunaan sang pagbarado sang ugat sa Corazon ang mga nagkalain-lain nga butang nga indi ma-control sang isa ka indibidwal.
Sa interview sang Bombo Radyo kay Dr. Kristy Garganero-Tugbang kag Dr. James Catoto, interventional cardiologist sang Medical City, ila ginpahayag nga ang uncontrolled nga blood sugar, cholesterol kag hypertension ang sarang gid nga magtuga sang pagbarado sang ugat sa Corazon ukon heart sang isa ka tawo.
Dugang pa sini nga paagi sa moderno nga pagbulong, naga-conduct ang mga ini sang ‘Drug-Coated Angioplasty’ sa Corazon sang indibidwal nga naga-suprer sang nasambit nga sakit.
Ini nga procedure naga-gamit sang drug-coated balloons (DCBs), bilang bulong sa coronary artery disease (CAD) pamaagi sa antiproliferative drugs nga gina-direct sa arterial wall.
Ini nga mga ihibalo ang kabahin sang ila kampanya kadungan man sang selebrasyon sang ‘Heart’s Month’ awareness, nga mahatagan sang insakto nga ihibalo ang mga indibidwal natuhoy sa mga heart diseases.
