Magahatag ang Iloilo City Government sang financial assistance sa mga pamilya nga nawad-an sang balay bangud sang buhawi nga nag-igu sa Zone 3 Bo.Obrero, Lapuz, Iloilo City.
Walo tanan ka mga balay ang nahalitan; lunsay ini partially destroyed.
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga P7,000 ang ihatag sa kada household.
May ihatag man nga food packs sa apektado nga mga pamilya.
Nagatinir man gihapon ang residente sa ila nga balay.
