ILOILO – Ginpaidalom sa home quarantine ang tanan nga barangay officials sa Sto. Niño Sur, Arevalo, Iloilo City matapos nga may nagpositibo sa Coronavirus Disease 2019 (COVID-19) sa ila nga lugar.
Sa interview sang Bombo Radyo Barangay Kagawad Joemarie Millano, iya ginpahayag nga ginaproblemahan nila subong kun paano sila makaguwa sa tion nga sila ang may baklon.
Suno kay Millano, kalabanan sa mga residente ang napaidalom na sa mass testing kag ginahulat na lang ang resulta.
May kaangtanan diri, nagaagunto naman ang mga residente bangud sa mabudlay nga sitwasyon.
Suno kay Anwar See, ginasaligan na lang nila sa subong ang rasyon halin sa Iloilo City Government bangud wala sila nakabakal sang pagkaon antes ang lockdown.
Ginpahayag ni See nga wala pa sang maathag nga plano kun san-o sila ipaidalom sa swab testing.
