ILOILO – Wala naglaom ang mga biktima sang nagluntad nga sunog sa Anggulo Subdivision, Zone 2 Brgy. Sambag Jaro, Iloilo City nga madulaan sila sang panimalay sang tuman lang kadasig.
Sa interview sang Bombo Radyo kay Melinda Jabadan, biktima sang sunog kag residente sang nasambit nga lugar iya ginpahayag nga wala nila mnatalupangdan kag ulihi na nila nakit-an nga nagakalayo na ang ila puluy-an.
Nahibaluan nga sa balay ni Jabadan naghalin ang kalayo kun sa diin nag init nga electric fan ang gintunaan.
Ginabanta yara sa P135,666 ang damage nga gintuga sang nagluntad nga kalayo.
Naglab-ot naman sa 10 ka mga panimalay ang totally damaged samtang lima naman ang partially damaged.
Sa subong, temporaryo anay nga naga tinir ang mga nasunugan sa isa ka simbahan sa ila nga barangay.
