SURIGAO DEL SUR – Nabuhian sang paglaum ang mga investors nga mabawi ang gin-invest nga kwarta matapos maaresto si Kabus Padatoon Community Ministry International founder Pastor Joel Apolinario.
Kahapon, Hulyo 21, sang nadakpan si Apolinario kaupod ang 19 ka iban pa sa isolated resort sa Sitio Dahican, Brgy. Handamayan, Lingig, Surigao del Sur.
Bangud nga nagbato sa otoridad ang grupo ni Apolinario, isa sa iya tinawo ang ginbawi-an sang kabuhi samtang 3 naman ang napilasan.
May kaangtanan diri, ginpahayag ni Police Major Rennel Serrano, tagpamaba sang Surigao Police Provincial Office, nga may yara pa sang naka-deploy nga mga sniper sa palibot sang balay nga ginatiniran ni Apolinario.
Ginserbehan sang warrant of arrest ang 46 anyos nga si Apolinario bangud sa Syndicated Estafa nga wala sang pyansa.
Magluwas diri, ginserbe man ang search warrant bangud sa paglapas sa Republic Act 9516 ukon may kaangtanan sa illegal nga pagbaligya, paghupot kag pagpanag-iya sang armas, bala kag explosives kag Republic Act 10591 ukon Comprehensive Law on Firearms and Ammunition and Providing Penalties for Violations Thereof.
Lakip sa mga recoveries amo ang masunod:
30 units sang M16 rifle
2 units sang M4 rifle
1 unit sang Garand rifle
3 units sang 60 caliber machine gun
1 unit sang 50 caliber sniper rifle
3 units sang caliber 22 rifle
1 unit sang carbine
1 unit sang shotgun
2 units sang RPG
5 units sang caliber 45 pistol kag
Assorted ammunition
