Pagpangimon ukon selos ang ginalantaw nga rason sang Passi City Police Station sa nagluntad nga rambol Passi City.
Ang mga involved ang lunsay mga menor-de-edad.
Sa interview sang Bombo Radyo kay Police Lieutenant Colonel Benjo Clarite, Chief of Police sang Passi City Police Station, iya ginpahayag nga nagaguwa sa imbesigasyon nga ang menor-de-edad ang nagselos sa isa ka menor-de-edad man bangud ang upod niya nga babaye ang gin-akbayan sini.
Suno kay Clarite, bangud sa pag-akbay-akbay sang lalaki sa iya upod, gilayon ini nga nag-react kon sa diin, gintunaan man sang ila indi pag-intindihanay.
Indi man matumod sang natungdan kon ang nag-akbay nga lalaki sa babaye ang may relasyon.
Bangud sa tension sa duha ka lalaki, nag-intra man ang ila tagsa ka grupo tubtob nga nagrambol ang mga ini.
Gin-athag man ni Clarite nga lunsay magkilalahay lang man ang mag menor-de-edad.
Sa subong, identified na ang mga kabataan kag nakatalana nga mag-atubangay sa barangay.
