Ginpukaw sang Intellectual Property Office of the Philippines (IPOPHL) ang atensyon sang mga mall sa pungsod kun sa diin posible ginapeke ang mga produkto nga nagakopya sang iban nga mga brand.
Kasunod ini sang raid nga ginpatigayon sang National Bureau of Investigation sa Greenhills Shopping Center kun sa diin nakumpiskar ang P69 million nga balor sang counterfeit bags, belts, wallets, kag iban pa nga items, nga iligal nga nagagamit sang luxury brand logos.
Ginserbe sang NBI Intellectual Property Rights Division (IPRD) ang search warrant matapos nga nag-file sang intellectual property rights complaint ang tiglawas halin sa luxury brand nga Louis Vuitton.
Nag-guwa naman sa rekord sang IPOPHL nga ang amo nga mall ang nagtupa sa listahan sang US Trade Representatives’ 2021 Review of Notorious Markets for Counterfeiting and Piracy.
Ini nga lista ang ginpaguwa sang nagligad nga Pebrero.
