ILOILO CITY – Ipatawag ni Senator Francis Tolentino ang iban pa myembro sang Department of Budget and Management-Procurement Service (PS-DBM) nga nagpirma sang price analysis document para sa ginbakal nga laptop para sa Department of Education (DEPED) sa masunod nga Blue Ribbon hearing.
Ini ang nadesisyunan sang senado kasunod sang natabo nga pagpisa pisa nanday Senadors Tolentino kag Allan Peter Cayetano kay DEPED Usec. Allain Pascua.
Ginsaway man ni Tolentino si Pascua bangud sa pagtaas sang iya tingog.
Ang dokumento ang gin-present upod ang quotation sang supplier sang presyo sang unit kag kabilugan nga balor sa ginpatigayon nga hearing.
Ginmanduan ni Tolentino nga amo ang chairman sang Blue Ribbon panel ang committee secretary nga imbirtaron ang tanan nga nagpirma sang dokumento lakip na si Sharon Baile, Procurement Division officer-in-charge agud nga mag-explain sang report.
Apang ang dokumento ang ginpirmahan ni James Gabilo on behalf ni Baile gani duha sila ang imbitaron.
Samtang, ginpamangkot ni Senator Sherwin Gatchalian si Engineer Marwan Amil nga amo ang project manager nga in charge sa Planning Division sang PS-DBM nga nagpirma man sang dokumento kung siya personally ang nagchekyar sang laptop suppliers kun bala rehistrado ang mga ini sa idalom sang Philippine Government Electronic Procurement System (PhilGEPS).
Gin-ako ni Amil nga wala niya ini nahimo kag gin haum-haum lang nga rehistrado sang PhilGEPS ang suppliers bangud masami man sila nga naga-supply sang laptop sa PS-DBM.
Sa annual audit report sang ahensya para sa 2021, gin-flag sang Commission on Audit (COA) ang DepEd bangud sang pagbakal sang P2.4 billion nga balors sang laptop pinaagi sa PS-DBM apisar nag may yara sang mas baratuhon kag may maayo nga option sa maket.
