ILOILO CITY – Nagpanugyan ang mga opisyal sang Simbahang Katolika sa mga tumulu-o nga magtambong sang Palm Sunday masses subong nga adlaw bilang panugod sang Holy Week.
Ang schedule sang Palm Sunday masses ang makita sa tagsa ka social media pages sang Catholic churches nationwide.
Suno kay Catholic Bishops’ Conference of the Philippines Public Affairs Committee executive secretary Fr. Jerome Secillano, ang mga tumulu-o ang indi na kinahanglan nga magsuksok sang face mask sa pagtambong sa physical masses.
Suno sa iya, gina-enganyo gid ang mga faithful nga magtambong sang Palm Sunday masses bangud nga Domingo subong nga adlaw kag ini ang adlaw sang pagdumdon sa kasakit sang Ginuo.
Ang Palm Sunday ukon domingo de ramos ang isa sa pinaka importante nga adlaw sa Christiano nga kalendaryo.
Ini ang domingo antes ang Easter ukon domingo sang pagkabanhaw, kag nagamarka sang pagsugod sang semana santa, ang isa ka semana sang mga hitabo nga nagdul-ong kay Hesukristo sa iya kamatayon.
