Ginpa-athag sang Police Regional Office (PRO) 6 nga kada tuig gina-assess ang performance sang isa ka police investigator.
Sa interview sang Bombo Radyo kay Police Brigadier General Flynn Dongbo, director sang PRO 6, iya ginpahayag nga kun ma-dismiss ang isa ka kaso, gina-review man ini kag ginalantaw kun ano ang rason sang pagbasura sang korte.
Gina-id id suno kay Dongbo kun ang police investigator mismo ang may kakulangan.
Nahibaluan nga may yara sang natalana nga retraining sa mga pulis sa pag-imbestigar kag sa case build-up courses agud nga i-address ang tuman ka nubo nga conviction rate sang criminal cases sa pungsod.
Kun basehan ang data sang Department of Justice, manubo sa 25% ang conviction rate sang criminal cases sa Pilipinas apisar nga nalakip na gani diri ang plea bargaining agreements.
Buot silingon sini, indi ini passing rate kag indi standard nga dapat ikabuhi kundi dapat nga islan suno sa DOJ.
Sa data naman ni Department of the Interior and Local Government (DILG) Sec. Benhur Abalos, sa masobra 220,000 ka PNP personnel, masobra 22,000 sa ila ang na-classify bilang police investigators. a sini nga numero, 123 lang ang law graduates.
