ILOILO CITY-Ginhatagan nalang sang tubtob sa Biernes, Hunyo 9, ang mga vendors sang Iloilo Terminal Market para magsaylo sa ila mga temporary stalls.
Sa interview sang Bombo Radyo kay Mayor Jerry Treñas iya ginpahayag nga nagaamat-amat na board- up ang Local Economic Enterprise Office sa palibot sang amo nga merkado.
Suno sa alkalde, nakapangayo na sang numero ang tanan kalakip na ang mga transient vendors agud masiguro ang ila akomodasyon sa mga temporary stalls.
Dugang sang natungdan, kun makasugod na sang demolition, mahimo naman maumpisahan ang construction sang bag-o nga merkado nga ang construction ang magalawig tubtob sa Disyembre 2024.
Nagpangayo naman sang paghangop ang alkalde sa mga vendors bangud sa gamay nga mga espasyo sa ila temporaryo nga mga pwesto.
