Ginpaathag ni Annabelle Falle, Chairwoman sang MITSCOOP, ang kabangdanan sang reklamo sang ila mga operators kag PAO angot sa wala pa pag-release sang service contracting.
Sa interview sang Bombo Radyo kay Chairwoman Falle, suno sa iya, wala pa gid narelease ang service contracting bangud may problema sa bangko nga ginatudlo sang LTFRB nga magproseso sang pondo.
Ginpahayag niya nga ang account sang ila bangko gin-garnish na sang Marso 13, bisan pa nga sa Hunyo pa siya opisyal nga nagpungko bilang chairman.
Ang resecution sang kaso ginlatag pa sa Agosto 2024, rason nga subong, 0 na ang balance sang ila Landbank account.
Gindugang pa ni Falle nga ang DOLE case nga ginatubang sang kooperatiba may kahilabtanan sa cash bond nga ginbilin pa sang una nga chairman.
Suno sa iya, ang DOLE nagdesisyon nga pareho tanan ang bayaran nga P10,500, base sa gin-execute nga finality.
Ginpahayag man niya nga wala nakaatubang ang MITSCOOP sa time sang ikaduha nga chairman, kag tani gin-una pa nila ang DOLE agud masolusyunan ang isyu.
