ILOILO CITY – Ginpahayag ni President Ferdinand Marcos, Jr. nga ang modernization program sang pungsod sa Air Force amo ang sabat sa nagadako pa nga problema sa West Philippine Sea.
Suno sa presidente, seryoso ang gobyerno sa pag-upgrade sang capabilities sang Air Force.
Pahayag niya dugang, ini nga sitwasyon ang wala pa naga-cool down.
Antes ang pagsinapol upod sa katapo sang Air Force, nagpatigayon sang inspection si Marcos sa pila ka C-130 aircraft nga nag-abot na sa Pilipinas matapos ang maintenance works sa Portugal.
Ang ini nga mga assets ang ginbakal sang 2016 sa balor nga $55.60 million ukon P3.018 billion pinaagi sa Excess Defense Articles program sa tunga sang Pilipinas kag Estados Unidos.
Nagalaum naman ang presidente nga ang mga partners sang Pilipinas kaangay sang Estados Unidos kag Portugal ang magabulig sa pungsod sa programa sini nga i-modernize ang militar.
