Nagdangop sa Korte Suprema ang pila ka grupo sang mga abogado agud hingyuon nga temporaryo nga untaton ang ‘Impeachment Trial’ batok kay Vice President Sara Duterte.
Sa pagpanguna ni Atty. Israelito Torreon kag mga kaupdanan nga abogado, ila gin-file ang ‘Very Urgent Manifestation with Motion’ sa Korte Suprema.
Katuyuan sang mosyon nga mag-isyu ang hukmanan sang Status Quo Ante Order para punggan ang Impeachment Court, mga opisyal, tiglawas kag tanan nga personnel nga padayunon ang trial, magbaton sang ebidensya, kag ang proseso sang ‘impeachment’.
Luyag sang mga petitioners nga mahatagan kaathagan anay ang nauna nga petisyon nga nagakwestyon sa legalidad sang natabo nga sesyon sang Hunyo 3, 2026 nga nagpabag-o sa liderato sang senado.
Ginhingyo man sang grupo sa Korte Suprema nga mag-isyu ini sang mando nga nagasiling nga dapat lamang magpatuloy ang ‘Impeachment Trial’ kun ang Rules of Procedure ang ginasunod kag ang awtoridad sang ‘presiding officer’ ang wala nagapangatubang sang ‘unresolved constitutional challenge’.
Gin-athag nila nga ang mosyon ang indi tuhoy sa pulitika kundi sa pagka-valid sang impeachment vs Vice President Sara Duterte.
