MALACAÑANG – Nagpaandam ang Malacañang sa posibilidad nga makansela man ang Mutual Defense Treaty kag Enhance Cooperation Agreement sa tunga sang Pilipinas kag Estados Unidos kaangay sang Visiting Forces Agreement.
Suno kay Presidential Spokesperson Salvador Panelo, ang Visiting Forces Agreement ang naga serbe nga pampabaskog sa Mutual Defense Treaty kag Enhance Cooperation Agreement kag.
Bangud ginkansela na ang Visiting Forces Agreement, posible nga ibasura naman ang duha pa ka mga kasugtanan.
Madumduman nga sang 1951 ginpirmahan sang Pilipinas kag Estados Unidos ang Mutual Defense Treaty kag Enhance Cooperation Agreement sa diin nahisugtan nga magabuligay ang duha ka pungsod sa tion sang may magluntad nga pag-atake sa Pacific Area.
Samtang ang Enhance Cooperation Agreement naman ang ginpirmahan bilang suporta sa Mutual Defense Treaty kag Enhance Cooperation Agreement sa diin ginatugutan ang pwersa sang Estados Unidos nga makapahamtang sang base sa Pilipinas.
Apang ginadumilian man sa Enhance Cooperation Agreement ang pagtukod sang Estados Unidos sang permanent military base sa pungsod.
