Sa labing una nga tion, ginbuyagyag sang aktres nga si Nadine Lustre nga ang ila pagbulagay sang aktor nga si James Reid ang natabo pa sang Nobyembre 2019 apisar nga gin-anunsyar nila ini sang Enero 2020 matapos ang apat ka tuig nga magnobyohanay.
Suno kay Nadine, wala sang third party kundi mutual decision nila ni James ang magbulagay.
Ginakabig man sang aktres nga “great love” niya si James sa diin indi basta pa-sweet lang ang ila nangin relasyon kundi madamo siya sang natun-an kag nagabuligay sila nga duha sang aktor.
Nagapati si Nadine nga kun para sa isa kag isa ang duha ka tawo, mahimo gid sila sang pamaagi agud nga mangin isa liwat — sa insakto nga lugar kag sa insakto nga oras.
