Ginapanindugan sang Department of Agriculture (DA) nga bastante pa ang suplay sang bugas sa Pilipinas agud nga masustiner ang P20/kilo rice program sang gobyerno.
Ginpahayag ini ni DA Spokesperson Arnel De Mesa matapos ang reports nga wala na sang baklan sang bugas ilabi na sa pila ka mga outlets sa Cadiz.
Suno kay De Mesa, indi husto ang reports.
Sa pagkamatuod suno sa iya, padayon ang pagbakal sang gobyerno kag mas ginpasakaan pa gani sang National Food Authority (NFA) ang ila buying price para madugangan pa ang imbentaryo.
Ginpaathag sini nga may mga limitasyon lang sa pila ka Kadiwa outlets rason nga nagguwa ang reports nga wala ginapasulod ang iban nga mga bumalakal.
Suno sa opisyal, may mga Kadiwa site nga gamay lang ang stall kag indi man maka-akomodar sang madamo nga buyers.
“Depende sa Kadiwa areas. Of course, yung iba maliit talaga ang stall. Sa mga maliliit na areas, konti lang yung stocks doon per day but it is compensated by areas na malalaki yung kanilang space,” dugang sini.
Gin-report man sini nga nagtaas ang demand sa subsidized rice gani nga may pressure man subong sa logistics kag sa distribution.
“Ngayon kasi talagang sobrang lumaki yung demand. Yung experience na lang namin dito sa DA, dati 200 slots lang per day, then it grew to 500, then eventually to 1,000. Ngayon more than 1,000 na,” pahayag pa niya.
Suno pa sa iya, bisan nga may mga pagpanghangkat kaangay sa manpower, trucking, kag iban pa, padayon nga pauswagon ang programa para magapadayon man ang rollout.
“Hindi laging perpekto yung proseso, pero we are adapting as time progresses,” suno sa DA official.#
