Ginkumpirma sang Philippine Institute of Volcanology and Seismology (Phivolcs) nga ginkawat ang critical cables sa ila Ligao Observation Station sa Albay rason nga indi anay maka-operate ang pasilidad.
Importante ini nga mga kable para sa power system kag real-time data transmission sang station kaangot sa monitoring sa status sang Bulkan Mayon kag sa hulag sang Philippine Fault Zone sa Bicol region.
“Included among those stolen were six meters solar cables, three meters battery cables, five (5) meters liquid-tight conduit cables and even three meters of LAN/FTP cables,” suno sa press release sang ahensya.
Ginapangabay sang ahensya ang publiko nga mag-report gilayon kun may impormasyon nga makabulig para sa imbestigasyon.
Nag-apelar man ang PHIVOLCS sa local government unit kag sa komunidad sa palibot sang bulkan nga magbulig sa pagpasiguro nga safe ang monitoring facilities agud nga indi makalusot ang iligal nga mga aktibidad sang mga kriminal.
“DOST-PHIVOLCS strongly enjoins the local government units and communities in and around Mayon Volcano to help keep volcano monitoring facilities safe from such illegal acts so that operational coverage of every sector of the volcano can be sustained for their collective readiness and safety,” dugang pa sa statement.
