ILOILO CITY – Naglab-ot sa 41 ang nagkaladakpan sa paglapas sa Anti-Littering Ordinance ukon ang pagdumili sa paglapta sang mga basura sa syudad sang Iloilo.
Sa interview sang Bombo Radyo kay Jovan Dela Peña, empleyado sa City Enviroment and Natural Resources Office, iya ginpahayag nga nagalibot sila sa kada baligyaan sang bulak, mga plaza kag patyo sa syudad sang Iloilo agud hibaluon ang katinlo kag dakpon ang mga naglapas sa nasambit nga ordinansa.
Suno kay Dela Peña, sa 41 ka mga nagkaladakpan, 11 ang naghalin sa Arevalo, 5 sa Molo, 6 Mandurriao kag 19 sa Jaro.
Ginahatagan sang ticket ang mga naglapas sa Anti-Littering Ordinance kun sa diin P500 multa ang first offense, P700 sa second offense kag P1,000 sa third offense.
Kun magpamalibad naman nga magbayad ang violator, mahimo ini nga pasakaan sang nagakaigo nga kaso.
