Nagpasaka sang kaso nga qualified human trafficking ang National Bureau of Investigation batok sa anay Anakalusugan Party-list Representative nga si Mike Defensor, sa iya asawa nga si Julie Rose Defensor, kag duha nila ka kabataan may kaangtanan sa raid nga ginpatigayon sa isa ka KTV bar kag hotel sa Pasig City sang Abril.
Suno sa NBI, nadiskobrehan sang mga imbestigador ang isa ka ginatago nga alagyan nga nagakonektar sa KTV bar kag hotel, nga ginapatihan nga ginagamit sa pagsaylo sang mga biktima.
Sa matandaan nga kapin sa 50 ka mga kababainhan ang naluwas sa anay operasyon sa amo nga bar kag hotel.
Nagguwa man ang mga alegasyon sang human trafficking, sexual exploitation, kag indi maayo nga estado sang amo nga trabaho.
Ginpasaka ang reklamo sa Pasig City Prosecutor’s Office sang kahapon nga adlaw.
Ginpanginwala naman ni Mike Defensor ang mga akusasyon kag ginpahayag nga wala sang mabakod nga ebidensya batok sa iya kag sa iya nga pamilya.
Suno sa iya, may motibo nga pulitikal ang kaso.
Una na man nga ginpanginwala sang iya asawa ang mga alegasyon kag gintawag ini nga wala sang basehan kag kabahin sang ginatawag nila nga padayon nga pagpangharas sa ila pamilya.
