ILOILO CITY – Indi pabor ang Newtrals Solid Riders Inc. sa ginaduso nga pagbutang sang improvised barrier sa tunga sang driver kag sang angkas sa motorsiklo.
Sa interview sang Bombo Radyo kay Felix Montefrio, founder kag national president sang Newtrals Solid Riders Inc., iya ginpahayag nga kasubong nga balik-awot ang sitwasyon kun butangan sang barrier ang motorsiklo.
Suno kay Montefrio, may iban nga model sang motorsiklo nga indi mahimo nga butangan sang barrier kag kun magmadlos ang huyop sang hangin, mahimo pa ini nga tunaan sang aksidente.
Ginpahayag ni Montefrio nga kun tani, pahanugutan na lang nga mag-angkas sa motorsiklo ang maghimata kag ang mga naga-istar sa isa lang ka balay.
Bilang rdriver, ginpahayag sang natungdan nga ginakampanya gid sang ila asosasyon ang responsible driving agud nga malikawan ang aksidente.
