Magasugod na subong nga adlaw nga magbaton sang pasyente sang COVID-19 ang Ninoy Aquino Stadium sang Rizal Memorial Sports Complex sa Manila bilang quarantine facility.
Ini ang ginkumpirma ni National Task Force COVID-19 chief Implementer Sec. Carlito Galvez.
Madumduman nga una na nga ginbuksan bilang quarantine facility ang Rizal Memorial Coliseum nga yara man sa sulod sang Sports Complez.
Suno sa Department of Health ang mga nasambit nga pasilidad ang mahimo maka akomodar sang masobra sa 100 ka mga pasyente.
Magluwas diri, ginpahayag man ni Sec. Galvez nga nagdangat na sa 15 ang numero sang COVID-19 testing facilities bangud sa mga bag-o nga ospital kag laboratory nga gin-aprubahan ang accreditation.
Lakip sa mga nadugang nga testing facility amo ang The Medical City sa Pasig, Molecular Diagnostic Laboratory sa Mandaluyong, Makati Medical Center kag V. Luna Hospital.
