Gin-anunsyo ni North Korean leader Kim Jong Un nga ang tuyo sang iya pungsod amo nga makaangkon kag makatukod sang pinaka-gamhanan nga nuclear force sa bilog nga kalibutan.
Kadungan ini sang iya pag-inspect sa Hwasong-17, ang largest intercontinental ballistic missile sang North Korea.
Nagpasalig man si Kim nga batuan ukon punggan ang amo man nga nuclear threats halin sa Estados Unidos.
Para sa presidente,ang Hwasong-17 amo ang “world’s strongest strategic weapon”.
Ini ang ginapahayag makalab-ot sa mainland sang Estados Unidos.
Ang paglunsar sini nga missile ang nangin rason kun ngaa nanawagan ang Estados Unidos sa United Nations Security Council nga magpaguwa sang presidential statement agud himuon nga accountable ang North Korea bangud sa ila nga missile tests apisar nga gin-ban na ini sang Security Council resolutions.
Kaupod man ni Kim Jong Un ang iya 10 ka tuig nga anak nga babayi sang gin-review sini ang officers.
Ginapanan-aw nga ang iya nga pagpakita sa Hwasong-17 test amo ang posible signal nga ipasa ang leadership sang totalitarian state sa fourth generation sang mga Kim.
