ILOILO CITY – Ginpanubu-an sang Department of Social Welfare and Development ang numero sang mga benepisyaryo nga pangkakson nagikan sa Pantawid Pamilyang Pilipino Program.
Suno sa ahensya, halin sa una nga plano nga 1.3 million, ginpanubu-an ini sa 800,000.
Suno kay Department of Social Welfare and Development officer-in-charge Undersecretary Edu Punay, ang una nga 1.3 million beneficiaries ang gin-revalidate bangud nga ang numero ang outdated na kag gindugang man ang impact sang Coronavirus disease 2019.
Dugang pa sang opisyal, ang mga matapos na sa Pantawid Pamilyang Pilipino Program ang i-accommodate sa Sustainable Livelihood Program nga nagahatag sang P15,000 nga livelihood assistance agud nga magsugod sang negosyo.
Nahibaluan nga ang Pantawid Pamilyang Pilipino Program ang na-institutionalize sa idalom sang Republic Act No. 11310 nga ginpirmahan ni anay Presidente Rodrigo Duterte sang 2019.
Ang programa ang may kabug-usan nga target nga nagdangat sa 4.4 million beneficiaries sa tagsa ka tuig.
