ILOILO CITY – Amat-amat na nga nagnubo ang numero sang Persons Under Monitoring kag Persons Under Investigation sa Pavia, Iloilo.
Sa interview sang Bombo Radyo kay Mayor Luigi Gorriceta, iya ginpahayag nga may yara na lang subong sang 13 ka Persons Under Investigation kag 100 ang Persons Under Monitoring.
Suno kay Gorriceta, nakahanda naman ang pondo nga pagagamiton sa pagbakal sang dugang nga food packs lakip man ang mga Personal Protective Equipments.
Ginpahayag ni Gorriceta nga amat-amat naman nga napanghatag ang relief goods sa mga pumuluyo.
