ILOILO CITY- Ginatun-an na sang maayo sang Iloilo City Agriculturist Office ang pag- regulate sang pagpamunit kag pagkuha sang isda ukon ang off-season sa Iloilo River.
Sa interview sang Bombo Radyo kay Mr. Inigo Garingalao, pinuno sang City Agriculturist Office, iya ginpahayag nga isa sa mga plano amo ang pag-amyendar sa existing ordinance nahanungod sa proteksyon sang suba.
Suno kay Garingalao, indi lang off- season ang ginalantaw nga paagi agud ma- regulate ang pagpamunit kag pagkuha sang isda kundi ang pag-set sang guidelines sa kadakuon sang isda nga mahimo mabunit kag kun wala nagasunod sa standard, dapat nga i-release ang nahulik nga isda.
Dugang ni Garingalao, importante man nga may yara sang i-set nga nagakaigo nga design sang bunit nga tugutan nga gamiton,ang kadamuon sang isda nga mahimo buniton kag ang lugar kun sa diin lang mahimo makapanghulik.
Nahibaluan ngaa ang Bureau of Fisheries and Aquatic Resources ang nagapatigayon man sang pagtuon sa Iloilo River may kaangtanan sa plano nga magdeklarar sang off season sa Iloilo River.
