ILOILO CITY- Mabuhinan sang masobra P170 million ang annual budget sang Probinsya sang Iloilo para sa 2023.
Sa interview sang Bombo Radyo kay Iloilo 4th District Board Member Domingo Oso, Majority Floor Leader sa Sangguniang Panlalawigan, iya ginpahayag nga gikan sa P4.359 billion subong nga 2022, ang budget ang mangin kapin sa P4.182 billion na lang ukon may buhin nga kapin sa 14 %.
Suno kay Oso, ang pagnubo sang budget ang resulta sang mas manubo nga National Tax Allocation nga resulta sang manubo man tax collection sang national government bangud sa pagluya sang trade activities sang 2020 sa tunga sang coronavirus disease 2019 pandemic.
Ginpahayag ni Oso nga bangud sini, may yara man sang adjustment sa pondo nga ipain sa pila ka mga programa sang probinsya kaangay sang infrastructure development kag iban pa kag mangin ang paghatag sang provincial government sang aid sa national government.
Samtang, ginkumpirma man sang Board Member nga may yara sang P10 million nga intelligence fund ang Office of the Governor.
Pahayag sang natungdan, ini nga pondo ang usaron sa paghatag sang assistance para sa intelligence gathering sang mga kapulisan.
Gin-athag naman sang opisyal nga ang intelligence fund ang wala na ginapaidalom pa sa accounting procedure sa pagtakop sang tuig apang wala ini sang dako nga isyu.
Ginpahayag naman ni Oso nga naumpisahan na ang committee hearing sang 2023 budget kag may yara pa sang ginalauman nga duha ka hearing nga hiwaton antes maaprubahan ang budget kag tinguhaan nga matigayon ini antes ang Christmas break.
