ILOILO – Narescue ang isa ka pinay Overseas Filipino Worker sa Saudia Arabia matapos nga gina alegar nangin biktima sang pagmaltrato sang iya amo kag ama.
Ang biktima ginkilala si Joy Lyn Bracamonte sang Brgy. Sulong Alimodian, Iloilo.
Sa interview sang Bombo Radyo kay Julie Bracamonte, utod sang biktima iya ginpahayag nga nagtawag sa ila ang iya nga utod kag nagapangayo sang bulig matapos ini ang gintinghuaan nga luguson kun tani sang iya amo nga lalaki kag na trap sa iya nga hulot bangud nalagyo ini sa iya nga mapintas nga amo kag ama.
Suno kay Julie, base sa panaysayon sang iya utod madugay na sya nga ginasakit sang iya mga amo kaangay nalang sa pag bunggo sa iya nga ulo sa pader matapos natukiban sini nga nanugid kag nangayo sang bulig sa Overseas Workers Welfare Administration.
Dugang sang natungdan, gilayon sila nga nagtawag sa Embahada sang Pilipinas sa Saudi Arabia agud ireport ang natabo kay Joy Lyn kag sa bulig man sang ahensya sang OFW natigayon ini nga ma rescue.
Santo sa pahayag ni Julie, nakatalana na nga magpauli si Joy Lyn sa Pilipinas bwas nga adlaw kag plano nila nga magpasaka sang kaso batok sa employer agud mahatagan sang hustisya ang nadangatan sang iya nga utod.
