ILOILO – Nag-umpisa na subong nga adlaw ang operasyon sang motorbanca nga nagabyahe Iloilo-Guimaras vice versa sa Old Terminal sang mga fastcraft nga nagabyahe Iloilo-Bacolod vice versa.
Nahibaluan nga bangud sa dredging nga ginapatigayon sa Iloilo River, ginhalin ang dulungkaan sang mga motorbanca sa nasambit nga lugar.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga nangin matawhay ang pag-umpisa sang operasyon sang mga motorbanca subong nga adlaw sa bag-o nga dulungkaan.
Suno kay Conlu, ginalauman nila nga mas magadamo ang mga pasahero buwas nga adlaw gani, hugot ang ila nga pagbantay agud mapasigurado nga mangin matawhay ang pagbyahe sang mga motorbanca.
