Oplan Hawan team, magapatigayon gid sang clearing operations agud mapahalin ang vendors nga nagbalik sa higad sang dalan

ILOILO CITY – Magasapol ang Oplan Hawan team kaupod si Iloilo City Mayor Mayor Jerry Treñas agud istoryahan ang tuhoy sa mga vendor nga nagbalik sa pagbaligya sa higad sang dalan.

Sa interview sang Bombo Radyo kay Mr. Fernando Jose “Boyet” Rico, Executive Asssistant for Barangay Affairs, iya ginpahayag nga amat-amat nga nagabalik sa pagbaligya sa higad sang dalan ang sidewalk vendors.

Suno kay Rico, maathag ang mandu sang Department of Interior and Local Government nga dapat kuhaon ang tanan nga sahi sang obstruction sa sidewalk.

Ginpahayag ni Rico nga ginasunod lang ni Mayor Treñas ang mandu sang Presidente gani, wala sang rason nga magbalik sa higad sang dalan ang mga vendor.