ILOILO – Pasado na sa first reading ang ginaduso nga ordinansa ni Iloilo City Councilor Lyndon Acap nga may katuyuan nga maghatag sang incentives sa mga tawo nga magsurrender sang loose firearms.
Sa interview sang Bombo Radyo kay Acap, iya ginpahayag nga ini ang kabahin lang sang pagbulig sa otoridad agud mas mapabaskog ang kampanya batok sa indi lisensyado nga armas.
Suno kay Acap, magabaton sang P12,500 ang maga surrender sang servicable rifle kag P8,00 para sa indi servicable rifle, P5,000 kun servicable nga shotgun kag P3,000 kun indi servicable shotgun.
Para naman sa mga handgun, magabaton sang P7,500 ang maga surrender sang servicable nga pistol kag P5,000 kun indi ini servicable pistol.
Magluwasdiri, P3,000 ang mabaton sang maga surrender sang servicable revolver kag P1,500 kun indi servicable nga revolver.
Ang pondo para sa nasambit nga ordinansa ang pagakuhaon halin sa Iloilo City Mayor’s Office.
