LAMBUNAO, ILOILO – Wala sang foul play sa kamatayon sang 42 anyos nga lalaki nga nasapwan sa sulod sang iya hulot sa Purok 3, Barangay Pungsod, Lambunao, Iloilo.
Ang biktima ang ginkilala kay Norberto Robles sang nasambit nga lugar.
Mismo ang utod ang nakasapo sa biktima nga nagahapa sa katre kag nagapalanggit-um na.
Suno kay Police Major Rene Obregon, hepe sang Lambunao Municipal Police Station, indi mabuksan ang pwertahan sa hulot ni Robles rason nga ginsaka sang iya utod ang kisame agud nga makasulod.
Ginhingagaw nga gindala sa ospital si Robles apang wala na matabangan pa.
Santo sa pagpangusisa, mahimo nga cardiac arrest ukon hypertension ang ginkamatay sang biktima.
Nahibalu-an nga naga-isahanon nga naga-istar sa ila balay si Robles bangud nagatrabaho sa luwas sang pungsod ang iya tiayon samtang ang iya mga kabataan ang yara naman sa luyo sang ila Lola.
