ILOILO CITY – Nagapati si Department of Justice (DOJ) Secretary Jesus Crispin Remulla nga ang P203 billion nga utang sang Marcos family ang indi mapatihan kag ang mga figures ang ginbase sa isa ka bias nga computation.
Suno kay Remulla, kun lantawon ang mga figures, indi mahimo nga solbaron ang utang sang pamilya sa kun paano ginsolbar ini subong.
Sang 1997, base sa ruling sang Supreme Court, nagdangat sa P23 billion gid lamang ang utang sang pamilya Marcos sa estate tax.
Suno naman kay retired Supreme Court Justice Antonio Carpio, ang amount ang nagtimbuok na sa P203 billion bangud nga wala ini nabayaran.
Apang suno kay Remulla, ang amo nga pahayag ang ridiculous bangud nga ang assests ang wala napasa sa mga nabilin nga pamilya apang gin-charge sa ila.
Para sa iya, ang mga indibidwal nagpanubli sang mga butang amo ang dapat nga sukton.
Kung madumduman, ginpahayag sang Bureau of Internal Revenue (BIR) nga nakapadala sila sang sulat sa mga Marcoses kag naga-demand sang utang sang mga ini.
Apang, ginpanginwala ni Sen. Imee Marcos nga nakabaton sila sang sulat nagikan sa ahensya.
Ginpahayag man sang spokesperson ni Marcos sang campaign period nga si Executive Secretary Victor Rodriguez nga nagapadayon ang kaso sa korte sang mga propedad nga subject sa tax case.
Ang pahayag sang Marcos camp ang ginbali naman sang Presidential Commission on Good Government (PCGG).
