Nagalalain ang mag-asawa sa Pennsylvania sa Estados Unidos sang Amerika matapos nangindulaan ang ila bag-o gid lamang na-withdraw nga kuwarta nga sang ulihi natukiban nga ginpang-kaon gali sang ila nga ido!
Ang suspek sa amo nga insidente amo ang pito ka tuig nga ido nga si Cecil, isa ka Goldendoodle nga masami naga-behave gid suno sa iya mga tag-iya nga sanday Clayton kag Carrie Law.
Apang nagbag-o ang tanan sang isa ka adlaw, ginbutang sang duha ang ila $4,000 ukon P222,000 nga cash sa kusina nga bag-o gid lamang nakuha halin sa ila nga joint savings account.
30 minutos ang makaligad, indi na halos makahibalo ang duha sa ila nga himuon bangud gisi na ang tanan nga kuwarta bangud ginpang-gus-ab ini sang ila nga ido.
“Cecil’s a goofy guy and he’s very particular — you could leave a steak on the table, and he wouldn’t touch it because he’s not food motivated,” suno kay Carrie, 33. “But apparently he is money motivated.”
“He has never really done anything bad before, so we were more shocked than angry,” suno naman kay Clayton, 34. “We couldn’t believe it. We looked at each other and said, ‘What are we going to do?’”
Gilayon nga gindala si Cecil sa veterinarian bangud basi nagakinahanglan ini sang medical treatment apang bangud sang iya nga kadakuon, nag-abiso ang doktor nga i-monitor lang ini sang maayo sa ila nga balay.
Daw nahaw-asan man ang mag-asawa bangud nagsiling ang bangko nga mahimo mabayluhan ang kuwarta kun kit-anon man ang serial numbers sa bills.
Dali-dali man nga ginpangtipon ang tanan nga mapuslan pa nga bills pati na ang mga papel nga nakuha na sa suka kag higko sang ido.
“I never thought I’d be able to say I’ve laundered money, but there is apparently a first time for everything,” suno kay Carrie samtang gina-utihan sini sa paglimpyo ang papelon nga kuwarta.
Sang ulihi, lab-ot lamang sa $450 (P25,000) ang nadula sa couple bangud indi na gid ini mapuslan, samtang may nabilin naman sa ila nga $3,550 (197,000).
Apisar sini, ginsiling sang duha nga wala sila naakig sa ila hinuptanan: “We couldn’t be mad at him — he’s a very lovable dog. People often tell us there’s a human trapped inside our dog.” #
