Padayon ang pag-abot sang bulig sa pungsod Venezuela halin sa madamo nga mga pungsod matapos ang magkasunod nga mabaskog nga linog nga nagluntad sa lugar.
Nanguna sa paghatag sang suporta ang United States of America nga nagpadala sang elite rescue teams, medical resources, kag humanitarian assistance.
Gin-anunsyo man sang US State Department ang pagpain sang $150 million nga bulig, samtang gin-deploy sang US military ang ila mga pwersa sa rehiyon lakip na ang USS Fort Lauderdale kag mga transport aircraft.
Ang United Nations nag-isa man sa koordinasyon para sa gilayon nga pagpadala sang urban search-and-rescue teams.
Ang pungsod Colombia nagpadala man sang humanitarian aid upod ang masobra 60 ka rescuers kag apat ka search dogs.
Ang pungsod El Salvador naman nag-deploy sang 300 ka rescuers kag paramedics, kag naghatag man sang 50 metric tons nga mga medicine supply.
Ang Chile nagpadala man sang specialized urban search and rescue unit halin sa ila fire department, samtang ang Cuba nagapadayon sa pag-atipan sang mga biktima paagi sa ila health personnel.
Nagpadala man sang emergency supplies ang Dominican Republic kag naghatag man sang bulig ang iban pa nga pungsod kaangay sang Panama, Spain, Mexico, France, kag Japan, samtang nagpasalig man sang suporta ang European Union, Iran, kag China.
