Balabagan sang minority bloc sa Senado ang pag-convene sang impeachment court pananglitan ipasa na sang Kamara ang articles of impeachment batok kay Vice President Sara Duterte.
Suno sa long-time Duterte ally nga si Senator Robin Padilla, ang papel sang minorya amo ang pagpamatok ukon pagbalabag indi lamang sa impeachment kundi sa tanan nga bagay sa Senado.
“‘Di ba ang papel naman ng minority to oppose? Hindi lang impeachment. Lahat ng bagay dito, ang trabaho namin ay i-oppose,” suno sa senador.
Trabaho lang nila nga magbalabag suno sa iya nga gintawag man sini nga pagsunod sa demokrasya kag “parliamentary procedure”.
“Kapag kami ay nag-oppose, ‘wag kaming sabihan na kami ay bias (sic). Trabaho po ng minority yun. Yan po ang parliamentary procedure na dapat naming sundin. Yan po ang sinasabi ng demokrasya,” dugang sini. “Eh, natural lang yun. Natural na yun. Eh, yun ang parliamentaryong ano eh. Kayo naman, tagal niyo na dito. Basta minority yan ang papel.”
Bisan may sinumpaan sila bilang mga judge suno sa iya, may yara man gihapon sang political dimension.
“Ang oath namin ay sa bayan. Malinaw naman yan. Lahat naman ng senador dito nag-oath. Ang loyalty namin ay sa Konstitusyon,” suno sa iya “Nanumpa ka. Siyempre, yun yun. Pero siyempre iba yung political. Iba yung political, iba yung oath. Kailangan maintindihan natin iyan siyempre.”
Ginsigurado man ni Padilla nga napreparahan na sini ang iya papel bilang senator-judge kun magsugod na ang trial sa kaso.
Suno sa iya, pirme man siya may kaso, gani nga nakahibalo siya kun ano ang nagakatabo sa sulod sang korte.
“Nung una palang, nung una pa lang na may impeachment, nag-aral na kami. Nag-aral na kami. Saka ako naman eh madalas na may kaso. Kaya alam ko naman kahit paano ang mga pangyayari sa loob ng court,” paathag sini sa atubang sang media.
Suno naman kay Senator Jinggoy Estrada nga halin man sa minority bloc, wala man sang problema sa iya kun mag-convene ang impeachment court. Apang gindugang sini nga indi sini gusto ang impeachment bangud kadamo na sang problema sang Pilipinas nga kinahanglan nga i-address. Bisan nagabalabag siya sa impeachment kay Duterte, ginpasalig sini nga mangin patas siya bilang isa ka senator-judge.
“Ako, ayaw ko na sana magulo masyado ang bansa natin. Masyado na maraming problema. Ako I have said it time and again, ayaw ko ng impeachment,” suno kay Estrada.
Sa pihak nga bahin, gin-alegar ni Senator Imee Marcos nga may mga kaupdanan siya sa Senado kag may mga myembro sang Kamara nga ginapahog nga kasuhan kun indi nila pagsuportahan ang impeachment.
Wala ginkumpirma ni Imee kun sa diin niya nakuha ini nga impormasyon.
Ginpahayag man sini nga gina-ekspektar na nila nga malab-ot ang 106 ka boto sa Kamara kag magasaka sa Senado ang impeachment.
Ginkumpirma naman ni Senate Minority Leader Alan Peter Cayetano nga nagkit-anay ang minority bloc kahapon kag ginpasalig sini nga sundon nila ang tanan nga patakaran. Pahayag sini, wala pa nila na-istoryahan ang impeachment bangud kulang pa sila.
Talalupangdon man kahapon nga nagsulod si Senator Camille Villar sa hulot kun sa diin may caucus ang Senate minority.
Sa video nga kuha sang Bombo Radyo Philippines, nagguwa man gilayon si Camille pila ka minutos lang ang nagligad. Suno sa staff sang senador, may handa lang sa opisina ni Senate Minority Leader Alan Peter Cayetano kag wala sang caucus nga natabo.
Nahibaluan nga myembro subong si Villar sang majority bloc.#
