Ginaduso sang head sang economic team sang Marcos Jr. administration nga ipaidalom sa review ang libre nga college education sa state universities and colleges (SUCs) sa pungsod.
Indi epektibo kag uyang lang ang amo nga programa suno pa kay Finance Secretary Benjamin Diokno kun sa diin iya ginbasehan ang nagasaka nga dropout rate.
“The core of my proposal to revisit the present ‘free’ college education is how to optimally allocate resources funded largely by taxpayers for education. Government resources funded by taxpayers’ money, by nature, are finite… The present regime is unwieldy, inefficient, and wasteful,” pahayag sang finance chief.
Ang ginatumod sini amo ang Universal Access to Quality Tertiary Education nga gin-umpisahan sang Duterte administration kun sa diin kabahin man siya sang Gabinete.
Nagaduso man si Diokno nga maghimo sang national examination agud nga maka-qualify para sa subsidiya sa kolehiyo.
Una na nga nagpahayag si Diokno nga ang nasambit nga education program ang makabig nga “unsustainable” kag “anti-poor”.
Sa nagligad nga hearing sa Kamara, nagpanindugan naman ang Commission on Higher Education (CHED) nga ang implementasyon sini sang free college education amo ang pinaka-maayo nga anti-poverty measure. #
