ILOILO – Nagpaandam ang Securities and Exchange Commission (SEC) sa publiko nga indi magpati sa fake news kaangot sa ginapahayag pagbasura sang fraud charges batok sa Kapa- Community Ministry International (KAPA).
Sa exclusive interview sang Bombo Radyo Iloilo kay Atty. Russel Ildesa, regional director sang Security and Exchange Commission Region 6, iya ginpahayag nga ang kaso kriminal batok sa KAPA bangud sa paglapas sa Republic Act 8799 ukon ang The Securities Regulation Code ang pending pa sa nagkalain lain nga korte.
Gin-athag man ni Atty. Ildesa nga si KAPA Founder kag President Joel A. Apolinario kaupod ang iya grupo kag iban pa nga mga officers ang nakapyansa lang rason nga temporaryo sila nga nahatagan sang kahilwayan.
Ang cease and desist order batok sa KAPA ang nangin permanente sang Marso 2019 kag ang certificate of incorporation sang KAPA ang gin-revoke na sang Abril 2019.
