ILOILO CITY – Mabaskog nga ginapamatukan sang isa sa mga framers sang 1987 Constitution ang proposal nga amyendaran ang Charter sang pungsod.
Sa pinakauna nga hearing sang Senate committee on Constitutional Amendments and Revision of Codes, ginpahayag ni Atty. Christian Monsod nga isa sa mga nagtukod sang konstitusyon nga ang mga “self-serving” members sang political dynasties ang magapamuno sang crucial process.
Suno sa iya, sa tion nga ang Constitution ang himuon sang Kongreso nga ginadominar sang political dynaties nga may lakot nga kaugalingon nga interes, indi maayo nga sahi sang Constitution ang mahimo.
Si Monsod ang kabahin sang 1986 Constitutional Commission.
Ang kontitusyon ang may yara sang anti-dynasty provision, apang ini ang wala napatuman bangud sa kakulang sang enabling law.
Para sa iya, ang Charter Change (Cha-cha) ang mangin wala sang pulos sa tion nga indi mabungkag ang political dynasties.
Apang suno kay Sen. Ronald “Bato” dela Rosa, ang mga gin-eleher nga lider nga nagikan sa pigado ang mangin trapo man sa ulihi.
