ILOILO – Suportado sang Iloilo City Anti Smoking Task Force ang ginpagwa nga mandu ni Presidente Rodrigo Duterte nga i-ban ang paggamit sang Vape ukon electronic cigarette.
Sa interview sang Bombo Radyo kay Mr. Iñigo Garinglao, pinuno sang Iloilo City Anti Smoking Task Force iya ginpahayag nga isa ang syudad sang Iloilo sa pinaka una nga nagpatuman sang mandu sang Presidente.
Suno kay Garingalao, bago pa man mag mandu ang presidente may yara na sang ordinansa ang syudad sang Iloilo nga amo ang Ordinance Number 2017-202 nga nagadumili sa pagpanigarilyo sang vape ukon electronic cigarette sa mga pampubliko nga lugar.
Sa subong may yara na sang 60 ka tawo ang nadakpan nga naga lapas sa nasambit nga ordinansa humalin sa bulan sang Oktubre tubtob Nobyembre.
