Nagsugod na ang paghalalin sang mga barko paguwa sa Strait of Hormuz sa idalom sang isa ka evacuation scheme sang United Nations.
Ini ginpangunahan sang International Maritime Organization (IMO) agud malikaw ang mga barko nga na-trap bangud sa inaway rehiyon.
Suno sa organisasyon, ang plano makabulig sa ginatos ka mga barko kag mga 11,000 ka mga seafarers nga makaguwa sa Persian Gulf pagkatapos sang pila ka bulan nga pagpa-untat sang ila biyahe.
Nagsugod na ang paghalalin sang pila ka barko,lakip na ang mga cargo kag dry bulk ships, samtang may mga oil tanker nga may dala sang minilyon ka bariles sang krudo nga nagapaguwa man sa strait.
May ara pa gid nga mga 35 ka barko nga nagahanda man nga makaguwa halin sa Strait, lakip ang mga tanker, container ships, cargo vessels, kag tugs.
Gamiton sang mga barko ang duha ka temporaryo nga ruta isa ka nabagatnan nga dalan paagi sa dagat malapit sa Iran kag isa ka ruta nga nagakonektar sa Oman kag Estados Unidos.
Suno sa International Maritime Organization, posible bangod sa ceasefire framework sa tunga sang Estados Unidos kag Iran kun ngaa natigayon ini.
Apisar pa may ara sang evacuation, limitado pa sa gihapon ang trapiko sa dagat kun ikumpara ini sang una.
Nagataas naman ang bayad sa pag-arkila sang oil tanker bangod sa kakulangan sang barko kag sa delikado nga pagbyahe sa lugar.
