Kun magtulok ka sa bulan kun kagab-ihon, mabatyagan mo man bala ang madalum nga koneksyon sa kalibutan?
Suno kay Sadie Bingham, longtime meditator kag clinical social worker in anxiety sa Gig Harbor, Washington, sa Hindu system sang medisina, ginapatihan nga makabulong sa anxiety kag stress sang isa ka indibidwal ang simple nga pagtulok sa bulan.
Pahayag ni Bingham, samtang naga-meditate ang isa ka indibidwal sa bulan, naga-release ang lawas sang melatonin nga nagahatag sang malawig nga relaxation.
Natukiban man nga ang pagtulok sa bulan ang nagapadugang sang kalipay sang isa ka inibidwal kag masulhay nga disposisyon kag panan-awan.
Magluwas diri, ang masami nga pagtulok sa celestial bodies kaangay sang bulan, ang napamatud-an man nga nagahatag sang masangkad nga emotional awareness, mabaskog nga sense of intuition kag kalidad nga tulog.
Dugang pa ni Bingham, bentaha man ang moon gazing sa mga kababainhan bangud simbolo ang bulan sang masangkad nga fertility.
