ILOILO CITY- Mahilig kita magkanta.
Manami man ukon libagon, nahibaluan naton nga may yara gid man sang positibo nga dulot ang pagkanta.
Sa pagkamatuod, suno kay Professor Stephen Clift, Director sang Sidney De Haan Research Centre for Arts and Health, Canterbury Christ Church University, may yara sang solid scientific evidence nga makapamatuod nga maayo ini para sa lawas kag utok.
Suno sa isa ka pagtuon sang 2004, ang pagkanta nagapa- boost sang immune system kag nagabulig sa pagbato sa balatian.
Ang mga mahilig magkanta ang may yara sang mas mataas nga lebel sang immunoglobulin A, isa ka antibody nga ginapagwa sang lawas agud magbato sa infections.
Ang pagkanta nagapataas sang pain tolerance.
Sa pagkanta, ang aton lawas naga release sang endorphins nga hormone nga nagabulig sa pagpromote sang positive feelings, kag mahimo magpataas sang pain tolerance.
Suno sa mga eksperto, mahimo man makabulig sa mga nagahuragok ang pagkanta.
Ini naga-improve man sang lung function bangud ang pagkanta naga- involve sang madalom nga pagginhawa kag controlled use sang muscles sa respiratory system.
Ginapakita sa pagtuon nga ang breathing techniques nga ginagamit sa pagkanta ang mahimo maghatag sang benepisyo sa mga tawo nga may chronic obstructive pulmonary disorder (COPD), asthma, cystic fibrosis, cancer, multiple sclerosis kag iban pa.
