ILOILO – Preparado na ang mga relief goods nga nakatalana nga idul-ong sa mga banwa nga apektado sang paglaslas sang bagyo sa Naaminhan nga bahin sang Iloilo.
Sa interview sang Bombo Radyo kay Roxanne Baluya, Officer incharge sang Provincial Social Welfare and Development Office iya ginpahayag nga nakatalana na nga idulong sa banwa sang Batad kag Balasan ang 25 ka karton sang sardinas nga igahatag sa mga apektado nga pamilya.
Suno kay Baluya, nauna nga nahatagan sang relief good ang nasambit nga mga banwa bangud sila palang ang nakapasa na sang consolidated reports sang mga casualties kada pamilya.
Nahibaluan nga nga base sa inisyal consolidated report nga ginpasa sang duha ka banwa may yara sang 581 nga apektado sang bagyo sa Balasan samtang 2,787naman sa Batad apang sa subong mas gina una ang yara sa mga evacuation areas.
Dugang sang natungdan, ginahulat nalang nila ang reports sang iban pa nga mga kabanwhanan nga apektado sang bagyo agud mapadala na sa ila ang mga relief goods.
