ILOILO CITY – May yara na sang 333 ka mga frontliners ang nakuhaan sang swab test sa ginpatigayon nga Mass testing sang Iloilo City Government.
Ini ang ginalakipan sang mga katapo sang COVID-19 team sang syudad, Bureau of Fire Protection, Philippine Coast Guard, Armed Forces of the Philippines, Philippine National Police kag mga personnel sang City Health Office.
Sa interview sang Bombo Radyo kay Iloilo City Mayor Jerry Treñas iya ginpahayag nga ang pagpaidalom sa swab test sa mga frontliners ang kabahin man sa gihapon sang lihok sang Iloilo City Government agud mapaidalom na sa General Community Quarantine ang syudad pagkatapos sang Mayo 15.
Suno kay Treñas, masobra sa 50 ka Medical Technologist ang gintrain sang Department of Health ang nagpatigayon swab test sa mga frontliners.
Dugang sang natungdan, tinghuaan nila nga gilayon nga matapos ang pagpatigayon sang Mass testing sa mga frontliners agud makuha na ang resulta bangud man nga nagahilapit na ang Mayo 15.
Sa subong may yara pa sang 1,490 ka mga frontliners humalin sang Marso 31 tubtob Mayo 1 ang natalana nga kuhaan sang swab sample.
