Bangud sa nagasaka nga kaso sang bullying sa pungsod, nagduso si Senator Sherwin Gatchalian sang congressional inquiry sa status kag sa pagpatuman sang Republic Act 10627 ukon ang Anti-Bullying Act of 2013.
Suno kay Gatchalian nga amo ang chairman sang Senate Committee on Basic Education, kinahanglan ang comprehensive analysis kag gap review sang anti-bullying law agud nga mapat-od nga tanan nga eskwelahan ang nagapatuman sang kinahanglan nga proseso kaangay sang gilayon nga pag-responde, pag-report, fact-finding and documentation, intervention, kag disciplinary measures.
Sa idalom sang amo nga layi nalakip ang unwanted physical contact, slanderous statements, kag cyberbullying.
Sa amo sini nga layi, nakasaad man nga kada school employee nga nagahimo sang bullying ang silutan sang monetary penalty nga P50,000 kag indi maglapaw sa P100,000; at least six months apang indi maglapaw isa ka tuig nga pagka-preso; ukon pareho gid nga monetary penalty kag imprisonment.
Sa report sang National Center for Education Statistics sa 2019, isa sa kada lima ukon 20.2% sang mga estudyante ang gina-bully nga amo ang nagapasaka sang kaso sang depression, anxiety, problema sa tulog, kag nagapahina sang academic achievement. ##
