Ginbuhi sang mga mamalidha gikan sa Makabayan bloc ang ila panawagan nga magpatuman sang programa kag magpasar sang layi nga makapasiguro nga safe matupod ang pagbalik sang full face-to-face classes sa pampubliko nga mga eskwelahan sa pungsod.
Sa separado nga statements sang Kabataan kag ACT Teachers, ginpahayag nga long overdue na ang pagbalik sang 100 percent full in-person classes, apang dapat man ini nga paresan sang bastante nga preparason halin sa gobyerno partikular na sa Department of Education.
Suno kay ACT Teachers Rep. France Castro, tuman ka gamay ang hinimuan sang gobyerno sa pagpreparar sa pagbalik sang full implementation of face-to-face classes.
Nag-ugyon diri si Kabataan Rep. Raoul Manuel, kag nagpahayag nga napalpak ang DepEd kag ang administrasyon ni President Ferdinand Marcos Jr. nga maghatag sang reform policies ukon bisan paghatag sang pondo sa sektor sang edukasyon.
Gintawag man sini nga unscientific ang polisa nga ginpaguwa kag bangud ang deceptive suno sa iya nga pag-normalize sa COVID-19 ang mahimo makatuga sang risgo sa safety kag pagpadayon sang face-to-face classes sa pungsod.
Gin-isa isa man sang mga mamalidha nga ginbilinan lang ang mga manunudlo sang band-aid solutions para sa perennial problems sang kakulangan sang classrooms, teachers, kag facilities kag ginmanduan lamang nga tumanon ang minimum health standards sa eskwelahan agud nga malikawan na ang paglapta sang balatian.
Magluwas diri, ginreklamo man nga overworked ang mga manunudlo bangud sang extra paperwork duties magluwas sa malawig nga teaching hours kag dugang nga oras nga ginapain para sa pagpreparar sa klase.
