ILOILO CITY – Ginakabig ni Senate Minority Leader Aquilino “Koko” Pimentel nga isa ka masubo nga adlaw sa kasaysayan sang Pilipinas ang pagpirma sang Maharlika Investment Fund Law.
Suno kay Pimentel, ang gobyerno ang maga-engage sa tuman ka delikado nga mga investments.
Liwat niya ginpanindugan nga ang pagtukod sang sini nga pondo ang wala naplanuhan sang maayo kag wala sang sobra nga pondo ukon ginansya ang gobyerno nga mahimo gamiton bilang back up kag ang paggamit sang kwarta nagikan sa mga state banks ang maka-apekto sa status quo.
Bangud nga indi klaro ang ginhalinan sa ideya sa Maharlika Investment Fund, ang kadasigon sang pagpirma sa layi pinaagi sa ‘unconstitutional shortcuts’, kag sa ‘inherent contradictions’ kag ‘clear confusion’ sa layi mismo, ginpahayag ni Pimentel nga ini ang mahimo nga makwestiyon sa Supreme Court bangud sa masunod nga mga rason:
-depektibo nga presidential certification bangud nga wala sang public emergency ukon kalamidad nga gin-address gani, wala sang natabo nga tatlo ka readings sa tatlo ka magkatuhay nga adlaw;
-wala napakita ang economic viability;
-wala sang nagaka-igo nga delegation sang legislative power;
-ginlapas ang due process
-may paglapas sa independence sang Bangko Sentral ng Pilipinas; kag
-ang hagna nga ginpirmahan sang presidente ang indi version nga ginpasar sang Kongreso
Baliskad sa pahayag ni Senate President Juan Miguel Zubiri nga ang Maharlika Investment Fund ang makalikaw sa gobyerno nga magpangutang sang pondo para sa infrastructures, ginpahayag ni Pimentel nga ini ang makapalala sa utang sang Pilipinas kun wala sang required surplus sa paghimo sang isa ka sovereign wealth fund.
Una na nga nagpanawagan si Pimentel kay Marcos nga i-veto ang nasambit nga hagna.
